Emsamidiary Instagram Photos and Videos

Loading...


emsamidiary يوميات أم سامي @emsamidiary mentions
Followers: 88
Following: 36
Total Comments: 0
Total Likes: 0

بسم الله ما شاء الله ..... عيدكم مبارك....Eid Mubarak...و نتأمل ان شاء الله السنة الجاية كلنا نعايد ...
Media Removed
بسم الله ما شاء الله ..... عيدكم مبارك....Eid Mubarak...و نتأمل ان شاء الله السنة الجاية كلنا نعايد ببلدنا و بين اهلنا يا رب #eid #eidmubarak #ramadan #happiness #fasting #love #motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة ... بسم الله ما شاء الله ..... عيدكم مبارك....Eid Mubarak...و نتأمل ان شاء الله السنة الجاية كلنا نعايد ببلدنا و بين اهلنا يا رب

#eid #eidmubarak #ramadan #happiness #fasting #love #motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #فرحة #عيد #عيد مبارك
Read more
Loading...
أشياء تغمرني سعادة عنجد من أحلى الشغلات بهالدنيا فرحتي بأول مرة أي شي بهالدنيا سواء شغلة صغيرة أو كبيرة... ما بتفرق .... السعادة معظم الأحيان نحن منقدر نخلقها و نطلعها من أصغر أو أتفه الشغلات اليومية حتى... مع سامي تعلمت كتير أشياء ، تعلمت حتى لو مزاجي مو تمام أو صار معي مشكلة أو كنت مريضة حتى أنو ... أشياء تغمرني سعادة
عنجد من أحلى الشغلات بهالدنيا فرحتي بأول مرة أي شي بهالدنيا سواء شغلة صغيرة أو كبيرة... ما بتفرق .... السعادة معظم الأحيان نحن منقدر نخلقها و نطلعها من أصغر أو أتفه الشغلات اليومية حتى... مع سامي تعلمت كتير أشياء ، تعلمت حتى لو مزاجي مو تمام أو صار معي مشكلة أو كنت مريضة حتى أنو اقدر اعمل "سويتش" حتى ولو للحظة و شتت ذهني عن حزني أو كآبتي بشغلة صغيرة و اتعلم حبها و قدرها حتى تصير شغلة من روتيني اليومي و الحياتي .... تعلمت إني قدر و حب و استمتع حتى بشي بسيط و صغير... و عنجد هي نعمة، نعمة كبيرة لأن بترسم البسمة عوشي كليوم و بأي لحظة(عمبدأ ضحكتني و مالي خلق اضحك ههه)... تعلمت استمتع بحركاتو الجديدة، بأي حرف جديدة بلفظو، بأي تأشيرة بيعملا ... أي شي متعة عندي.. في ناس ممكن تقول "شايفتو و مو مصدقة" هاد الشي صحيح ، هاد ابني و شي طبيعي، و بحبو يحس بهالشي عشان يعطيني شغلات أكتر استمتع فيها كليوم و كل لحظة عشان هو يصير سعيد و أنا أسعد ههههههه (نكتة مو؟ ههه) بس الفكرة أنو هالحركات بتفرحني لما شوفا عند أي طفل حتى لو بالشارع بفرح بتطليعة أي طفل و براقب مشيتن و حكين و كلامن و تعبيرات وجهن و تفكيرن... كلو بفرحني و حتى بطيرلي عقلي.... و بهالمناسبة انا كتير فرحانة بمشية البطريق تبع الطرزان اللي عندي... كل خطوة بتفرفحلي قلبي... دخيل الله سامي خليك عبتمشي بس بدون ما تئذي ههههههه

أحاسيس أم سامي

#أحاسيس #مشي #حبي #مزاج #بطريق #طرزان #متعة #motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب
Read more
الجوع كافر! اليوم حابة احكي عن الأكل للأولاد بعمر سامي... عبشوف تجارب العالم مختلفة و كل حدا بقول ...
Media Removed
الجوع كافر! اليوم حابة احكي عن الأكل للأولاد بعمر سامي... عبشوف تجارب العالم مختلفة و كل حدا بقول شغلة عن أولادو انو بعمرو كان ياكل هيك و هيك و هيك... و لما تبلش تتجرأ و اطعميه بما انو الاولاد بعمرو بيعملوا هيك بيطلعلك حدا تاني لا حرام خطي ما بصير و من هالحكي... مثال بسيط؛ عندي صديقة الله يحميلا ... الجوع كافر!

اليوم حابة احكي عن الأكل للأولاد بعمر سامي... عبشوف تجارب العالم مختلفة و كل حدا بقول شغلة عن أولادو انو بعمرو كان ياكل هيك و هيك و هيك... و لما تبلش تتجرأ و اطعميه بما انو الاولاد بعمرو بيعملوا هيك بيطلعلك حدا تاني لا حرام خطي ما بصير و من هالحكي... مثال بسيط؛ عندي صديقة الله يحميلا أولادا يعني كلهم ماشيين عنفس النظام بالاكل و الشرب و إلخ... يعني أولادها كانوا نفس الشي بكل مراحل عمرن... فواحد من أولادا أكبر من سامي بشوي و طالعين بس اسنانو الأمامية،يعني ما في ضراس ...قام لاقيتا عبطعمي ابنا شغلة بدها طحن يعني بدا ضراس لتتاكل سواء تفاحة او جزرة او لحمة بدون هرس، فقالتلي ايه عادي لكن كيف بدن يتعودوا عالمضغ خليهم ياكلوا و يتعودوا... هلأ المنطق بقول انو كيف بدو يمضغ الواحد بلاضراس؟ قد ما مضغ ما بيطحن الأكل و بالتالي بصير عسر هضم... بس قلت لحالي هي خبرة و ماشالله اولادا ما بيشكوا من شي... هلأ سامي عادة لما بعطيه اي شي سواء حز تفاح او خيار او بطاطا مسلوقة بيقرف من ملمسها و بكبا عالأرض، فقلت حاسلقلو اكل بس ما حاطحنو غير شوي عشان يتعود عالشقف قطعلو ياهم و طعميه بإيدي... طبعا أول فترة ما قبل و صار يكب أي لقمة فيها شقفة مو مطحونة بعدين صار يقبل بس صار يبلع بلع و ما يحاول يمضغ شوي حتى، يعني بدو كلشي عالسريع بس قلت لحالي معلش معو معو بيتعود، و طبعاً بسبب هالشغلة دايماً الخروج تبعو بلاقي فيو قطع أكل (عفواً منكم)...لحد ما مرة كنت عبطعميه قدام وحدة أولادها شباب و شافتو كيف بيبلع اللقمة أو ما بيقبلا و بزتا... فقالتلي لك حرام هاد الولد ما عندو ضراس كيف بدو يمضغ و يطحن الأكل حرام اهرسيلو ياه لأن بكرا بصير يكره و يبطل ياكل أساساً. هلأ هون بصير تضارب بمخو الواحد انو مين الصح؟فهون منصير نسأل حالنا انو شو المهم أو شو الأفضل لابني؟ انو علمو يمضغ غصب و كرهو بالأكل و يصير معو عسر هضم؟ وللا يتنعنع و خليه عالهرس كرمال ما يمضغ و يضل ياكل؟ المنطق بقلي انو اذا ما عندو ضراس الأكل ما بينطحن منيح و بالتالي اجباري ما حيحب الأكل و حيضل يتشردق أو بأحسن الأحوال يبلع و ما ينهضم الأكل معو... فالحل الوسط عندي كان انو اهرسهم بالشوكة بس رح يضل في شقف بس حجمها مقبول وحطلو مرقة عشان يقدر يبلع لأن اللقمة اذا ناشفة ما بياكلا ما بتنبلع معو.
منجي لشغلة الفواكه أنو هو حتى لو سلقت الفاكهة( تفاح انجاص... الخ) لازم اهرسها عالأخير و الا حتى لو شقفة طرية طرية كتير نسيت اهرسا دغري ببزقها و ببطل ياكل... طيب و الحل مع ههالشغلة؟ مين الصح و مين الغلط؟
(التتمة في التعليق)
Read more
Loading...
It has been a year <span class="emoji emoji1f601"></span>مرت سنة ... هديك السنة متل هاليوم تغيرت حياتي ١٨٠ درجة.... تغيرت أولوياتي... ...
Media Removed
It has been a year مرت سنة ... هديك السنة متل هاليوم تغيرت حياتي ١٨٠ درجة.... تغيرت أولوياتي... تغيرت معاييري... تغيرت أفكاري و تصرفاتي... تغير كلشي... بعد ما الله رزقني بأحلى شي ممكن يمتلكه الإنسان و بأغلى نعمة و أطيب شي على وجه الأرض.... سامي ... أنت عمري و حياتي و قلبي أنت كلشي حلو... أصلا ... It has been a year 😁مرت سنة ...
هديك السنة متل هاليوم تغيرت حياتي ١٨٠ درجة.... تغيرت أولوياتي... تغيرت معاييري... تغيرت أفكاري و تصرفاتي... تغير كلشي... بعد ما الله رزقني بأحلى شي ممكن يمتلكه الإنسان و بأغلى نعمة و أطيب شي على وجه الأرض.... سامي ... أنت عمري و حياتي و قلبي أنت كلشي حلو... أصلا أنت أحلى شي يا عمري أنت اللي خليتني صير أم و الله لا يحرم هالنعمة لحدا يا رب.... كل عام و انت عمرنا و دنيتنا و حياتنا يا أغلى كنز بدنيتنا... الله يحميك و يجعلك من الذرية الصالحة يا رب.... الله يخليلنا ياك يا حبيبي انت... كل عام و أنت بألف خير 😘😘😘😘 #motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #عيد_ميلاد #سنة #حياة #عمر #oneyear #birthday #life
Read more
Loading...
My lil'Samitoven لك مو قلتلكم سامي موسيقي... ليكوا كيف الموسيقى بدمو ههههه.... بس ما بعرف على أي آلة حيصير يعزف بس مبدئيا مبين البيانو... و لااااا مع كلمات كمان حيطلع بيتهوفن هههههه او موسيقار تاني الله أعلم شو بيطلع معو ههههه بس هيك حبيت شاركم اللقطة هي إثباتا عللي كتبتو مسبقاً أم ... My lil'Samitoven 😁😁
لك مو قلتلكم سامي موسيقي... ليكوا كيف الموسيقى بدمو ههههه....
بس ما بعرف على أي آلة حيصير يعزف بس مبدئيا مبين البيانو... و لااااا مع كلمات كمان 😁😁😁
حيطلع بيتهوفن هههههه او موسيقار تاني الله أعلم شو بيطلع معو ههههه
بس هيك حبيت شاركم اللقطة هي إثباتا عللي كتبتو مسبقاً

أم سامي الفخورة ☺️ #motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #موسيقا #بيتهوفن #هواية #وراثة #music #Beethoven #hobby #genes
Read more
من شابه "أبواه" فما ظلم أول شي كل عام و أنتوا بألف خير و الله يجعلا سنة خير علينا جميعاً تاني شي صرلي زمااان ما كتبت مع اني كتير اشتئت اكتب مع انو مالي شاطرة بالتعبير ههههه... بس انشغلت كتير بقصص و تحولات و ظروف بحياتنا... بس لازم ارجع اكتب متل قبل.... كتير مؤخرا صرت أؤمن بشي كتبت عن من قبل بعتقد ... من شابه "أبواه" فما ظلم

أول شي كل عام و أنتوا بألف خير و الله يجعلا سنة خير علينا جميعاً
تاني شي صرلي زمااان ما كتبت مع اني كتير اشتئت اكتب مع انو مالي شاطرة بالتعبير ههههه... بس انشغلت كتير بقصص و تحولات و ظروف بحياتنا... بس لازم ارجع اكتب متل قبل....
كتير مؤخرا صرت أؤمن بشي كتبت عن من قبل بعتقد بس بطريقة تانية... قصدي عالجينات... قبل كنت فكرها اكتر انو مزحة او شغلة بتنحكى على سبيل الحجة و المزح لما ما يلتقى سبب منطقي لهالشي... بس بلشت يوم بعد يوم اقتنع اكتر بتأثير الجينات على شخصية و ميول و هواية أطفالنا... انا و أبو سامي عنا ميول مشابهة لبعض و هو حبنا للفنون بأشكالها مع انو كل واحد فينا بحب و بيبدع بشي مختلف بس منقدر انصنفها تحت نفس الإطار....و هو الفن.... متل الموسيقى ، العزف، الاخراج، الرسم، الفنون اليديوية، الألوان، التصوير، الديكور...إلخ من انواع الفنون بس ما منمارس شي منن قدام سامي... عالأقل هيك بتذكر... بس كليوم بكتشف انو عند سامي في حس فني، و مو صدفة، بل متكرر، بس اليوم حبيت اكتبلكم عن سامي الحساس المرهف اللي اذا سمع موال حزين او موسيقا شجن او حتى أغنية أطفال شوي حزينة بيبكي متل كأن أخدتلو شي غالي عقلبو.... و عن سامي الموسيقي اللي بحب يسمع و يستمتع بصوت الشغلة اذا وقعها قصداً و بيرجع يمسكها و يوقعها اكتر من تلاتين مرة بس ليسمع صوت رنتها عالأرض.. سامي اللي بحب يطبل على أي شي بيعمل صوت و انغام مختلفة....
و هاد سيموتي انا... سيموتي الغالي...سامي الموسيقي

أم سامي الفخورة

#motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #موسيقا #فن #هواية #وراثة
#music #art #genes #hobby
Read more
Loading...
أديش الأطفال مخلوقات عظيمة و إعجازية... سبحان الذي خلقهم... كتير ممكن تشوف طفل و من عيونو تحس عالولد ...
Media Removed
أديش الأطفال مخلوقات عظيمة و إعجازية... سبحان الذي خلقهم... كتير ممكن تشوف طفل و من عيونو تحس عالولد شو بحب أو شو بيكره... ممكن تحس شو الصفات اللي ممكن ياخدها منك أو لأ... لمين طالع ... بعرف أنو الأطفال بقولوا أنو الصفات مكتسبة و ليست موروثة أمو مثلاً هنن مرآة عن تصرفات الأم أو الأب و هكذا.... بس ... أديش الأطفال مخلوقات عظيمة و إعجازية... سبحان الذي خلقهم... كتير ممكن تشوف طفل و من عيونو تحس عالولد شو بحب أو شو بيكره... ممكن تحس شو الصفات اللي ممكن ياخدها منك أو لأ... لمين طالع ... بعرف أنو الأطفال بقولوا أنو الصفات مكتسبة و ليست موروثة أمو مثلاً هنن مرآة عن تصرفات الأم أو الأب و هكذا.... بس هالشي مو دايماً صحيح أو أكيد الجينات أو في شغلات انخلقوا فيها و ما بتتغير لو شو ما حاولت... متل مثلاً نسبة الذكاء... هي الله زارعا بالإنسان و مختلفة من شخص لآخر و كتير أشياء ثانية كمان ما بتكون مكتسبة...
مثلاً يمكن أنا شخص شوي عصبي بس بالمجمل بدايق و بزعل بسرعة و بحصر بقلبي و بينعكس عجسمي... بس مع سامي أنا شخص مختلف تماماً ما بعصب أبدا عليه و بالي مطااااطةةةةةة لدرجة أنو كتير عالم بتقلي عبدلعبه تركيه يبكي ما بصرلو شي ، هيك بيتعود و بيهلكك... بس شو ما صار انا ٩٠٪ من الوقت بكون محافظة عهدوئي و أعصابي معو و بلعب و بضحك و باقي ال ١٠٪ بكون غالباً فيا مريضة أو تعبانة فبعصب شوي و بتركو يبكي بعد ما كون عجزت و استخدمت كل الأساليب الممكنة معو... اللي بدي قولو أنو رغم هدوئي و تفهمي و مكرسة وقتي لالو و تاركة البيت و الطبخ و انعزلت عن الحباة الاجتماعية بس كرمال أني خففلو من حدة العصبية أو الضوجان اللي هو فيه بس ما في فايدة لحد الآن... عصبي عصبي و عصبي و هوايتو البكاء أو النق صارت ههههه ... لذلك هي من الشغلات اللي ما تكتسب و هية شغلة خلق فيها...و بحس أنو شو ما عملت ما رح تتغير...
تاني شغلة و هي بضحك ... أنو شايفين بالصورة الكاسة اللي ماسكا كتير بحبا و هي كنت شاربة فيها قهوة و خالصة و بيمسكا و بيلعب فيها و بحب يعضا أو يحط تمو فيها... بس لاحظت أنو هي الكاسة نفسا اذا كانت معباية مي أو عصير بزتا ما بدو ياها لأن ما فيا ريحة قهوة ... فشكلا الجينات لعبت دورها و طلع مدمن قهوة من عصغر متلي 😂😂😂😂😂 فقرة طريفة مع أم سامي
Read more
خامس و سادس يوم بلا لهاية... بدي احكي باختصار... النوم بالليل أفضل كمدة و كسحبة بس خلال النهار مو رايق ...
Media Removed
خامس و سادس يوم بلا لهاية... بدي احكي باختصار... النوم بالليل أفضل كمدة و كسحبة بس خلال النهار مو رايق ... و ما عبنام ٣ مرات باليوم صاروا بس مرتين و لينام أصلا بياخد من نص ساعة لساعة بكا أحيانا بصريخ أو نق... طبعاً صريخو غريب بهالمرحلة ... و صرلو تلات ايام عبسعل و أصلاً فاق اليوم الصبح من أحلى نومو عالسعلة ... خامس و سادس يوم بلا لهاية... بدي احكي باختصار... النوم بالليل أفضل كمدة و كسحبة بس خلال النهار مو رايق ... و ما عبنام ٣ مرات باليوم صاروا بس مرتين و لينام أصلا بياخد من نص ساعة لساعة بكا أحيانا بصريخ أو نق... طبعاً صريخو غريب بهالمرحلة ... و صرلو تلات ايام عبسعل و أصلاً فاق اليوم الصبح من أحلى نومو عالسعلة و ضل فايق ساعتين بعدين كمل نومتو... و هلأ بالليل عبيتقلب كتير بتختو شي بنام عالقاعد أو بنام وشو عرجليه متل تمارين الرياضة و شي عجنب و شي عضهرو... و عبيتلمط بتمو و بيسعل سعلة ناشفة... حسيتو حيفيق حملتو عبييسعل و عبيتشردق بسعلتو و واضح جداً أنو مدايق من حلقو بس ما في حرارة... وريقو نشفان... شربتو مي قام راجع... فرحت عطيتو بنادول منو ببل ريقو و إذا كان في شي واجعو عأمل أنو يرتاح....
شكلو عأد مالو حساس ارتفعت حرارتو عفراقا و من كتر البكا و الزعل التهب حلقو المسكين.... ما عاد اكتب أكتر عن هالتجربة لأن شكلا ما خلصت و مطولة أكتر من الطبيعي... و كليوم بمر و بحس أديش نأذى و عانى هالولد من أول ما ولد لهلأ.... الحمدلله عكل شي و إن شاء الله كم يوم و بنرجع للبوستات السعيدة و المضحكة و بوستات من نوع آخر كمان 😁 أم سامي
#motherhood #mom #mother #parenthood #syria #emsamidiary #baby #france #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #لهاية #فطام #تعلق #soother #sadness
Read more
Loading...
رابع يوم بلا لهاية... طبعاً بعد النومة الممتازة اللي ناما كان صباحو ما في أحلى من هيك و ما في حرارة الحمدلله... ...
Media Removed
رابع يوم بلا لهاية... طبعاً بعد النومة الممتازة اللي ناما كان صباحو ما في أحلى من هيك و ما في حرارة الحمدلله... رجعلي سيمو القديم ...سيمو الضحوك... كتير كنت مبسوطة متل كأني ملكت كنوز الدنيا... ضليت عبلعب معو و نضحك و ندحكل عالأرض و كتير نشاطات... حتى اجا موعد أول قيلولة... حطيتو بتختو نق شي نص ساعة ... رابع يوم بلا لهاية... طبعاً بعد النومة الممتازة اللي ناما كان صباحو ما في أحلى من هيك و ما في حرارة الحمدلله... رجعلي سيمو القديم ...سيمو الضحوك... كتير كنت مبسوطة متل كأني ملكت كنوز الدنيا... ضليت عبلعب معو و نضحك و ندحكل عالأرض و كتير نشاطات... حتى اجا موعد أول قيلولة... حطيتو بتختو نق شي نص ساعة و نام... بس فاق بعد تلات رباع ساعة... ما كان كتير مرتاح بس ماشي الحال...كلما حطو عالأرض ليلعب ما برضى بدو ياني شيلو... حتى لو قعدت جنبو لالعلب بدو ياني شيلو... المهم اجا موعد القيلولة التانية... تم يبكي ساعة و نص لنام بعدا نام نص ساعة بس و فاق...مو كتير رايق كمان بس أحسن من بلا.. قعدتو جنبي ليتفرج شوي عالأيباد و نحن عمناكل بعدين غديتو...و طلعنا مشوار عشان يغير شكل و عأمل ينام شوي بالسيارة أو و نحن عمنمشيه بالعربية عصوت المكنسة... عبس.. ما مشي الحال... بعد ما رجعنا عالبيت حاولت نيمو كمان ما مشي الحال كتير بكي... قلت يللا خلي يتعب أكتر بلكي بنام بالليل أحسن... تركتو سهران لوقت العشا... عشيتو، غسلتلو، غيرتلو، لبستو كيس النوم و عطيتو الحليب... و نام عليه الحمدلله بعد سبع ساعات بلا نوم....ما في بعد ساعة فاق فاتح تمو عبدور عاللهاية عشان يكمل نومتو... شلتو طبطتلو، هزيتو.... بس ضل يدور عليها و هو مغمض لحتى صحي من البكا.. و فاق... و ضل عبنق وًيبكي بين ايدي و ما يقدر ينام ... حطيتو بتختو صار يصرخ و فاق أبوه و حملو و غنالو و و و ...ألخ ما مشي الحال... مرئت ساعة ، ساعة و نص و ما كان ينام و لا يهدى و لا يسكت... شربتو مي، لعبتو... ما مشي الحال بالأخير تعبنا حطيناه بتختو يبكي بس ما كان عبصرخ... ضل يبكي شي تلت ساعة و بعدا نام بعد ساعتين و شوي و هو فايق.... رجع فاق عوقت بيبرونتو بعد شي ساعتين و نص... شرب الحليب و كمل نومو للعشرة و نص او ١١ الصبح....
كان نهار متعب و لهلأ ما عبيتعود بلاها مع أنو صرنا بخامس يوم.... بعرف هيك شغلات بتاخد بالعادة شي تلات أيام و بيتعود بلاها...بس سامي طول عأد مالو حساس... اللي مارىء بهيك تجربة يا ريت يفيدني أو يخبرني كم يوم أخدت معو القصة...لأن كتير مقهورة عليه... أم سامي

#motherhood #mom #mother #parenthood #syria #emsamidiary #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #فطام #لهاية #حزن #تعلق #نوم #baby #soother #depression #france
Read more
Loading...
تالت يوم بلا لهاية... بالبوست الماضي كتبت أديش كانت الليلةً سيئة و فاق كتير و ما كان يعرف ينام... ...
Media Removed
تالت يوم بلا لهاية... بالبوست الماضي كتبت أديش كانت الليلةً سيئة و فاق كتير و ما كان يعرف ينام... ما خليت وسيلة ما كان يمشي الحال ... و طبعاً خلال النهار كان طول الوقت عبيبكي و ينق نعسان مو شبعان نوم و بدو ينام و ما عبيعرف... حاولت كل الطرق المستحبة و الغير مستحبة (هز، غناء، لعب، حضن، حمل، مرجحة....) ... تالت يوم بلا لهاية...
بالبوست الماضي كتبت أديش كانت الليلةً سيئة و فاق كتير و ما كان يعرف ينام... ما خليت وسيلة ما كان يمشي الحال ... و طبعاً خلال النهار كان طول الوقت عبيبكي و ينق نعسان مو شبعان نوم و بدو ينام و ما عبيعرف... حاولت كل الطرق المستحبة و الغير مستحبة (هز، غناء، لعب، حضن، حمل، مرجحة....) كل شي بيخطر عالبال بس ما مشي الحال... شكلو بقطع القلب و ساعات طويلة بلا نوم المسكين و يفرك بعيونو... و حرارتو عطول مرتفعة...و انا طول الوقت احملو و بوسو و احضنو لأن حاسة أديش هالموضوع مهم بالنسبة الو و حرمتو منو
و عالساعة ٨ المسا عأد ما عبيبكي و عجزت معو حطيتو بتختو ...بكي شي عشر دقايق و هو مغمض عبيترنح يمين و شمال لحتى نام عالقاعد و وشو عالمخدة قدامو من التعب....منظرو بقطع القلب ...ضليت ابكي شي نص ساعة عأد ما نحرق قلبي عليه... قلت بعدين الحمدلله انشالله ينام منيح عشان يعوض.... بس ما وصلت فرحتنا لقرعتنا فاق بعد تلات رباع ساعة و رجعنا لموال البكا.... اجا آخر الليل... صار وقت العشا... عشيتو كمية أقل من العادة عشان أعطيه بيبرونة كاملة عأمل يغفل عليها... بس طبعاً ما مشي الحال... تركتو هالمرة يبكي شي ربع ساعة قام بالأخير نام... و سحبا لأول مرة للساعة ستة الصبح... شرب بيبرونتو و رحع سحبا لل ١١ و نص... طبعاً عأد ما اني مالي مصدقة كنت كل ساعة قوم اطمن عليه ... لأن هي أول مرة من وقت ما ولد بيسحبا هالسحبة...بس فاق ليشرب الحليب... كتير كنت مبسوطة و قلت الحمدلله الأمور في تحسن اليوم.... و لنشوف كيف حيكمل... أم سامي
#motherhood #mom #mother #parenthood #syria #emsamidiary #diary #kuwait #q8 #newmommy #أمومة #أم #يوميات_أم_سامي #سعادة #سوريا #كويت #فرنسا #بيبي #حب #لهاية #فطام #حزن #حرارة #soother #tetine fever #quitting
Read more
تاني يوم فطام من اللهاية تاني يوم خلال النهار كان الوضع لا بأس يعني بأول قيلولة بكي سامي شي ٣٥ دقيقة ...
Media Removed
تاني يوم فطام من اللهاية تاني يوم خلال النهار كان الوضع لا بأس يعني بأول قيلولة بكي سامي شي ٣٥ دقيقة بعدا نام ... بتاني قيلولة حطيطو بتختو و ما بكي ابدا حاص شوي و نام ... و لما فاق كانت حرارتو مرتفعة قريب ال ٣٩.... و هي أول مرة بترتفع هيك حرارتو. عطيتو خافض و ضليت عبعطيه كل اربع ساعات لأن تخف و تطلع.... ... تاني يوم فطام من اللهاية

تاني يوم خلال النهار كان الوضع لا بأس يعني بأول قيلولة بكي سامي شي ٣٥ دقيقة بعدا نام ... بتاني قيلولة حطيطو بتختو و ما بكي ابدا حاص شوي و نام ... و لما فاق كانت حرارتو مرتفعة قريب ال ٣٩.... و هي أول مرة بترتفع هيك حرارتو. عطيتو خافض و ضليت عبعطيه كل اربع ساعات لأن تخف و تطلع.... كللو هاد طلع من الزعل.... زعلان على فراقا... أما المأساة بلشت بوقت تالت وحدة ضل يبكي يبكي يبكي و ما يعرف ينام.. بعد شي ساعة و نص نام بس فاق بعد نص ساعة بالضبط و مو شبعان نوم و عيونو حمر... ضل ينقنق و يضوج و يبكي لوقت نومة الليل... هالمرة حاولت قللو كمية العشا للربع و كبرلو كمية الحليب عشان بلكي بنام عالبيبرونة... طبعا ما مشي الحال بس ضا يحوص و ينقنق لنام شي ساعتين... و فاق بعد ساعتين عالساعة تلاتة ونص الصبح و ضل يبكي و ينق بدو ينام و مو قادر لحتى نام عبيبرونة الساعة ستة.... و فاق بعد ساعة و نص.... مبارح كان اسوأ من اللي قبلو... و عبستنى يخلص اليوم لشوف شو النتيجة لأن لهلأ اللي حاسستو انو الموضوع في تراجع مو تقدم.... و انو كتير عبيتعذب و عبحط بتكو أي شي عشان يحس بإحساس اللهاية بس ما عبيمشي الحال
شعور مؤلم و محبط لما تحس ابنك ضعيف و حساس و انت عبتحرمو من اكتر شي بحسسو بالأمان... و بطلع مو كافية أبداً و ما عبقدر اغنيه عنا مع انو طول الوقت بحضني و عبحاول نيمو عإيدي أو ينام جنبي و أنا حاضنتو بس ما عبيمشي الحال....حاسة حالي مكسورة من جوا على زعلو و ما عبقدر ساعدو بشي طلعت.... تاني يوم معاناة مع أم سامي...
Read more
أول يوم فطام للهاية (tetine, soother) قررنا أنا و أبو سامي مبارح أنو خلص ما عاد بدنا نعطي سامي اللهاية.... ...
Media Removed
أول يوم فطام للهاية (tetine, soother) قررنا أنا و أبو سامي مبارح أنو خلص ما عاد بدنا نعطي سامي اللهاية.... طبعاً هي من أصعب الشغلات اللي ممكن يمر فيها الطفل هو الفطام بالذات انو ما كان الي الخيار بأني اعطيه ياها... و بتخيل فطام اللهاية أصعب من صدر الأم لأن تعويدو عليها ما الها بديل... يعني صدر الأم ... أول يوم فطام للهاية (tetine, soother)
قررنا أنا و أبو سامي مبارح أنو خلص ما عاد بدنا نعطي سامي اللهاية.... طبعاً هي من أصعب الشغلات اللي ممكن يمر فيها الطفل هو الفطام بالذات انو ما كان الي الخيار بأني اعطيه ياها... و بتخيل فطام اللهاية أصعب من صدر الأم لأن تعويدو عليها ما الها بديل... يعني صدر الأم الولد بياخدو كلهاية و كحليب بس فيو بالمقابل ياخد حليب من مصدر تاني.... بس سامي مع التاريخ الفظيع بقصصو و مشاكلو بالنوم ما بيقدر ينام بلاها... بالنهار ما في مشكلة بس وقت القيلولة لازم ينام و هي بتمو...و طبعاً بوقت الليل...
من زمان كنا بدنا ناخد هالخطوة بس كانت موضوع فيقتو اكتر من ٢٥ او ٣٠ مرة بالليل يخليني أجل الموضوع....
و بما انو هلأ عبيطلعوا سنانو و صار بدال ال ٢٥ مرة يفيق ١٠ أو ٧ مرات فقلنا خلص... حان الوقت... أول مرة كان وقت قيلولتو... ضل يبكي شي عشر دقايق ... نعسان بس مو عرفان ينام...أبو سامي تقطع قلبو عليه فما قدر و قال خلص منجرب بالليل....
اجا الليل.... الوقت الصعب و اللحظة الحاسمة... عشيتو وعطيتو ادويتو و لعبتو شوي و حطيتو بكيس النوم تبعو و بتختو و عطيتو حليباتو....على أمل ينام عالبيبرونة... طبعا ما مشي الحال... و لما شلنا البيبرونة فتح تمو عبيستنى نحطلو اللهاية... و ما نحطا... و صار يبكي و يدور عليها بالتخت.... و ما يلاقيها و كلما نقرب عليه يفتح تمو.... او يحاول يحط طرف المخدة بتمو.... طبعاً منظر بشق القلب...و هو يبكي بحرقة و يصرخ و يفرك عيونو من النعس و يفتح تمو للهوى.... هالشعور بشع و مؤلم كتيييير...طبعا انا كنت عببكي و دموعي عبشرو عالارض و نمسكو و نبوسو نغنيلو و نلعبو و هو بس بدو ينام بسلام مع لهايتو... و شوي نتركو يبكي لحالو و نحس انو نحن اسوأ أهل بالدنيا... و أبو سامي كان يضعف كم مرة و يجي بدو يعطي ياها و انا قللو لأ بلشنا و صرلو عبيبكي مدري أديش خلينا نقوى (أصلاً بدو مين يقويني و أنا حاسة حالي أم شريرة قام طلعت إرادتو أضعف مني)
طبعاً ضل سامي يبكي شي ساعتين عقريب الساعن تنتين بالليل أو يصرخ الأحرى و بالأخير نام عحضني و هو عبيعمل حركة بتمو كأنو في لهاية... دموعي كانت عبتشر عليه و كنت بدي نيمو جنبي لأن قلت لحالي أكيد حيفيق كتير بالليل بدو ياها و هون حتكون المرحلة الاصعب... فحطيتو بتختو بالأخير و ما فاق للستة الصبح عموعد بيبرونتو عطيتو ياها شربا و لما خلصا خلاها بتمو متل اللهاية بس ما كان عبمصا فتركتا بتمو لغفل و شلتا.. و سحبا للتسعة و تلت و من وقتا لل١١ و هو نومو متقلقل و نيمتو بحضني عصوت المكنسة .
التتمة في الكومنت...
Read more

Loading...